|
الســــــــــــلامـ عليــــــكمـ
شخبآآآآآآآركمـ صار لنا فتره مارحنا فيها رحلات $#$#$#$# تايلنـــــــــند $#$#$#$#$# مملكة تايلند هي بلد في جنوب شرقي آسيا، تحدها كل من لاوس و كمبوديا من الشرق، خليج تايلند وماليزيا من الجنوب، وبحر أندمان وميانمار من الغرب. تعرف تايلند باسم "سيام" أيضا، وقد كان اسم البلاد الرسمي حتى تاريخ 11 مايو 1949 م. تعني كلمة "تاي" الحر في اللغة التايلندية. اشتق من نفس اللفظ (تاي) الكلمة التي تطلق على السكان أي تايلنديون، تستعمل بعض الأقليات المتواجدة في البلاد كلمة سياميون عند الإشارة إلى سكان البلاد. :: معلومات تلخيصية عن تايلند يلا نبدأأأأ … احمـ احمـ انطلقت الرحله من مطار البحرين وكان سير الرحله البحرين – الدمام ثم الاتجاه للعاصمه التايلنديه بانكوك خرجنا من المنزل في الساعه 11:30صباحا وكان موعد اقلاع الطائره في 4 عصرا طبعا تفاديا لزحمة جسر الملك فهد ُُُُ وصلنا الى المطار وتودعنا من الاهل في المطار المهم ان احنا جلسنا على النت شوي بعدين رحنا تغدينا وجبه سريعه في المطار وبعدين جاء نداء الطياره (( ندآآء الرجاء من اعضاء مدونة تعب قلبي بالتوجه الي الطآآآئره )) ركبنا الطياره وكل واحد قعد يم صاااحبة اووه ونسيت طبعا رحنا بالطيران التايندي هالمره خبركم عشان نتعلم عليهم اشوي اشوي طبعا الطياره كان اغلبيتها السياح الاجانب وندرة العرب بحمد الله ورعايته وصلنا الى بانكوك في الساعه السابعه صباحا بتوقيت بانكوك بعد رحله شاقه 12 ساعه طيران وهذي صوره لمطار بانكوك كان وقتها زحمة طيارات والمطار ماشاء الله كبير تتعب وانت تمشي فيه كان ترتيب الرحله ان احنا نوصل الى بانكوك وبعدين نجلس يومين في بانكوك ونروح بعدها الى بوكت ثمان ايام في بوكت وبعدين خمس ايام في شنغ ماي ونرجع الى بانكوك نجلس فيها 7ايام ونرجع الى البلاد الحبيبه نزلنا الى مطار بانكوك واذا هو يعج بالسياح والمسافرين واذا بموظفة من الجوزات تندينا ان نذهب الى صف جديد بعدها وصلنا الى الجوزات فذهبت الى الموظف قال لي ارجع ورا واحد واحد عرفت ان الدعوه مافيها واسطه المهم من الاجراءات اللي تاصير يصورونك ويختمون على الجواز مع الورقه اللي عبينها في الطياره المهم طلعنا من المطار نبي ناخذ تكسي وصلنا الى الفندق وكان قمه في الروعه بصرااااحه شي حلو غرفه جميله جدا يسألونك اذا كنت غير مدخن فيعطونك غرفه لغير المدخنين بعدها نزلنا الى الماركت بجانب الفندق واشترينا بطاقة شحن للجوال ثم عدنا الى الفندق وخلدنا الى النوم جلسنا من النوم في الساعه الخامسه عصرا اتجهنا الى السكاي ترين القطار المعلق بصراحه شي رهيب بس لازم تتعلم عليه يعني احنا كنب بنروح الى نانا كان بين النانا وبين المحطه اللي ركبناها محطتين ركبنا القطار بالعكس ولفينا بانكوك كلها الين جا واحد وعلمنا شارع السكومفيت والامطار كانت تتهاطل وقفنا عند ماركت واخذنا مظلات تمشينا قليلا في النانا والسوق المحيط به ذهبنا بعدها الى مطعم مروش في النانا المسمى بالخليج سابقا بجوار فندق اماري بلوفرايد مطعم جميل واللحوم والدجاج حلال وهذي صوره للمجمع في اليوم التالي اتجهنا الى مدينة بوكت من بانكوك رحنا الى مطار بانكوك الداخلي وسألنا عن رحلتنا احنا كنا جايين قبل ساعتين وشوي من الرحله يعني ساعتين ونص طلعت البوابات ماتنفتح الا قبل ساعتين بالضبط يعني في الساعه 12.30 واحنا يوم نوصل المطار الساعه 12 بالضبط المهم جلسنا شوي نطالع في الرايح والجاي الين جات الساعه 12.30 وهذي صوره للمطار الداخلي وصلنا بحمد الله وسلامته الى بوكت وكانت الاجواء الجميله في انتظرنا طبعا انتظرنا الاغراض على ماوصلت لنا رحنا الى مكاتب التكاسي واخذنا تاكسي الى باتونق بيتش مكان السكن واسم الفندق توني ريسوت المهم ان الطريق كان طويل من المطار الى باتونق بيتش وتخلل الطريق الجبال الخضراء والمرتفعات العجيبه وصلنا بحمد الله الى الفندق وهو منتجع فيه من الصناعات التايلنديه الحرفيه الجميله بعدها رحنا الى الغرفه الجميله المطله على المسبح يتبع |
