بسم الله الرحمن الرحيم
السلام عليكم ورحمة الله وبركاته
احم احم <<اللي حوله اداه حاده او ثقيله تقفون وخروا عنها
>>لان سماجتي سوف تبدأ ولن أتوقف
<<الخلا
يلا نبدأ..
أوغست برتولدي وانا^_^
كلكم تعرفون أوغست<< عاد لو ماتعرفونه افضل عشان اقولكم قصة حياته
كان ياماكان في قديم الزمان كان بوه رجال اسمه أوغست وبنيه اسمها<<نشطح؟؟>>فجر
كان أوغست يعتبرها رمز للصداقه الصدقيه وكان دايم معها..<<مايدري عن المستخبي
[من المواقف بيننا]
الموقف الاول وحنا اطفااااال
كنا نلعب بالتراب ونبني بيوت
هو بنا تمثال يشبهني وكنت
جايه مدرعمه ابي من عنده شي<<نسيت وش كنت ابي>>مصدقه الوضع
واطمر على الي سواه ويخترب كل ابوه عاد هنا طلعت قرونه بس لعيوني السود قرر مايبتسي
الموقف الثاني كان بعد م وصلنا 6سنوات
أنا:اقول أوغست!
اوغست:سمي……أنا:شرايك نروح نلعب بالحارة والله العيال ودهم يشوفونك
أوغست:والله ماودي عاد تدرين توي راجع من فرنسا وتسذا^ فماقدر أقابل احد
أنا بدموع:اصلا أنا لي اسبوع اهذر عنك والكل ودهم يشوفونك ويشوفون خشتك
أوغست:زين زين ولا يصير خاطرتس الا طيب
وطلعنا أنا وياه بالحارة والتموا علينا البزارين وبعد ماعرفتهم على بعض صرنا نلعب سوا
وكان اغلب لعبهم معه ضرب بما انه جاي من مكان بعيد وعاد زمان مانشوف خير كل شي غريب
ونجهله ندمر اومه تدمير وننتفه تنتيف
لما صار عمرنا فوق العشر
أوغست:اقول فجر شرايتس نلعب لعبة الرسام؟؟
أنا بحكم فهاوتي بالرسم وفشلي المتكرر: تيب بس ماعرف
اوغست:موب مشكله ارسمي اي شي
انا:اوك
وبدينا نرسم عاد تدرون وش رسم؟. * رسمني
<<مابي اوريكم بالصوره اخاف على رسمته وعلى خشتي
اما انا رسمت جحا<<بنت الديره مالها بالفنون
لما صار عمرنا 17عاد هو اكبر مني بسنتين>.<
اوقست: فجر اصلا أنا تعبت من كثر م اقنع أبوي وامي عشان مااسافر معهم
أنا مسويه أني حزينه
وبخاطري(اصلا عادي):طيب مو مشكله اصلا حتى ماما قالت انو ممكن نسافر ونروح امريكا
أوغست استااانس:جد؟؟؟عشان يمكن أجي أنا بعد
أنا اتوهقت:عاد مادري تعرف أمي كلمتها اليوم تمشي بكره تصير مسحوبه
أوغست فقد الأمل: اوك مو مشكله بس لنا لقاء
……
وبيوم سفره كنا كلنا مرتزين بالمطار ونودعهم
قبل يركب الطياره جا لمي وعاد اناا توهقت لو شافتني أمي
بس زين أمي كانت مشغوله
قال اسمعي بعطيتس شي وخليه معتس الين يصير كبير
قلت: وشهو؟؟
قال: هالصندوق بوه شي صغيرون لا وصلتي البيت افتحيه
قلت له اصرفه: زين زين بس روح ترى بيخلونك
قال:طيب مع السلامه^|وذهب ولم يعد|
بعد مامرت ايام سافرنا لأمريكا عشان دراسة اخوي الحقيقي
وبامريكا كنت دايم طالعه اتمشى بروحي<<ايه هين
وبيوم طلعت للحديقه وبيدي الصندوق الي عطاني أوغست
فتحته وكان بوه تمثال صغيرون يشبهني بالضبط <<اول مره افتح العلبه>>~<هذي الصداقه والا بلاش
فهيت من وين له كل هالاتقان عشان يسويه
مر قربي رجال ولما شاف التمثال قال بصرخه هذا من صناعة أوغست
قلت إيه وش تبي؟؟
قال هو جاني مره عررض علي هالتمثال ورفضت(وفجأه صرخ
)قمت عطيته كوع خلاه ينبطح
قلت بعصبيه سلامات كل شوي صرخت؟؟
قال والالم متملكه لا ابد بس محسوبك اللي هو أنا طالعت بوجهك وشفت التمثال يشبهك
قلت إيه هذا أنا<<وخليته ورحت
مرت علينا ايام ونسينا فيها أوغست ومن جابه
وبيوم درى أوغست بالصدفه اننا هناك<<لو بس اعرف من اللي خبره
وحاول يجي ولكن ماقدر
المهم بعد عدة محاولات منه قدر يوصل لنا
بس ماوصل هو ولكن وصل منه رساله مختصرها
اطلعي لخليج نيويورك<<
عاد أنا ماصدقت خبر وطلعت اروكض الين وصلت
واول ماوصلت انصدمت باللي اشوفه
كان
كااااان
كااااااااان
ههههه اخر مره
كااااااااااااان
{تمثال الحريه} بس موب اللي نعرفه
أنماهو كان خشتي منحوته نحت بهذاك المكان
تذكرت كلامه
يوم يقول هالتمثال بيكبر
المهم اعتلت وجهي حمره شدييييييده كانت آثارها الغضب الشديد
وماحسيت بنفسي الا وانا اركض من الناس اللي تركض وراي<<فاهمه الشهره غلط
هههه وبهالاثناء وانا اركض صكيت بواحد تمنيته من زمان موجود
اول ماشافوه الناس هجدوا وصارت تتفرق
طبعا هالشخص كان البطل المغوار<<يخونني التعبير في وصفه ومدى سعادتي برؤيته
نعم لقد كان
اخي
المهم انه بعد م استفرد فيني قال من اللي راز خشتتس فيذآ؟؟
قلت منه لله ولد الجيران أوغست تذكره؟؟
قال التسلب أنا اوريه شلون يرز فيستس هنا
وبدأت رحلة البحث عن أوغست المتحسر على الذكريات الحلوه اللي تركها بالرياض
مادرى انه صار في عداد الأموات
وبعد تساؤلات وبحوث قدرنا نوصل بيته
واول مادخلنا سمعنا صوت ينوح لما قربنا من الصوت
لقينا امه ضامته وهو مخنوق منها
عاد أنا مرت علي ذكرياتنا بيسورعه ووقتها صحى ضميري
ورحت يمه اول ماشافني ابتسم وقال
أنا أسف لان رسمت وجهتس بمكان زي ذا ولكن بغيت يكون رمز للصداقه<<
وغمض عيونه وانا تجننت ونزلت دموعي
ومسكته من قميصه وهزيته هز لو يموت مانساه
قام زي المفجوع خييير؟
قلت ووجهي كله دموع: لاتموت<<اصلا هو كان بيموت بس خلاص مانبي نهايات حزينه
قال ولا يهمتس وغمض عيونه
رجعت اهزه بعنف ياحمار ماتفهم؟؟
فز وسطرني تسف للحين آثاره بوجهي<<حشى حديده مهيب يد
قال ووجعه ابي ارقد ياجعلتس الماحي محد يعطيتس وجه
وبالنهايه طلعت من بيته والضحكه شاقه وجهي زي ذا>>
وأسبابها ان البطل تركي كسر ضلوعه ضلع ضلع
وصار تسذا
وكانت نهاية قصتنا
عاد نقول الحمدلله انه مهوب سعودي<والله مادري باقي حي والا مات>مير الحمدلله
مايقدر يقرا هالحتسي لا هو ولا أسلافه ولا كان أنا اللي بعداد الأموات
ههههه وإدري سامجه وطولت على غير سنع بس ذا اللي طلع معي
ولو طولت ماطلع معي شي
وصلى الله وسلم على سيدنا محمد
*The End*
