الاذن تعشق

قالت احبك قلت صدري بها ضاق
ياللي على بعدك تهـــاوت سنيني

مشتاق لك والشوق بالقلب حراق
رقي لأ شواقي وهدي حنيني

قلبي لشوفك يالغلى حيل مشتاق
والنفس هامه بالهوى ياضنيني

سنتين احسك وسط عيني ولحداق
والقلب شافك قبل تنصاك عيني

ترجم لي الأهات مجموعه اشواق
متبادله احساس بينــك وبينــي

ما مثلنـــا ياناس اثنين عشــاق
بالصوت هامو قبل اجيها تجيني

الاذن تعشق دونوهــا بالــوراق
انا اعشقك يا روح وانتي اعشقيني

موج المحبه ساقه اليم دهــاق
على شواطي حبكم يأخــذونـي

من بوحي ونـــزفي
/ اسير الشــــــوق

لقراءة ردود و اجابات الأعضاء على هذا الموضوع اضغط هنا
سبحان الله و بحمده

اترك تعليقاً