وين النديم اللي يعرف القوانين – من الشعر

مرّت عليها ايام ماشافت العين=حيٍّ.ن.من الخلاَّن..والقلب يهواه
يامن يجيب اخبارسيد المزايين=مشغول قلبي في هوى اللي تمناه
يعني على قولةهل العذل شاقين=فــ القلب روضه والزهر ماقطفناه
مشغول انا باللي هويته من اسنين=تســــهرعيوني كل ماحل طرياه
تاخذني الافكارمدري على وين=وامسك خيوط اللــيل لوطال مسراه
قلب العنى يسري بليـّا عناوين=والفكرطـــوعه لاسرى القلب يتلاه
روحي تعذب من جحود الجحودين=مجروح انامن قسوةالدهرماقساه
اضحك واجامل واترك الهم بعدين=والجرح ينزف في ثرى القلب مرباه
عجزت الاقى فالبشر من يداوين=ياكـــثرهم مـــير الدوآء مالقيناه
وين النديم اللي يعرف القوانين=لاضاقت الدنيــــا علينا نصيناه
ولاَّ,عشيرٍ يقبل الزين والشين=يخلص بحبـّه لي ولا قــال عفناه
لاشافني مهموم والضيم طاوين=شال الحمول وكايد الهمِّ يجلاه
يضحك جبين الزين والخدوالعين=وجه القمر كل السعد في محياه
هذا الذي لوسقت فيه الملايين=ماهي خساره جعلها من فداياه
شروى حبيب لي قديم وناسين=الصاحب اللي بالغلا مانسيناه
كل ما ذكرته يقتلب خاطري شين=والقلب ينظم له قصيدة معاناه
ليته يروف بحالتي مايجافين=يعطف على قلبٍ قضى العمر يرجاه
اللي كما العنبروعطر الرياحين=وبضحكته طبي وبسمة ثناياه
يستاهل القيفان واحلا التلاحين=يامن غرامه في خفوقي تمثناه
قصدي على السنّه وشرع النبيين=حتى نعيش الحب كيفه ومعناه
يالله طلبتك ياكريم الكريمين=تغــفرذنوبي والزلل منّي ترفاه
صلُّواعلى محمّدصلاةالصدوقين=نبينا اللي كمّل الدين وارساه